كيفية تجميع جهازك ؟

السلام عليكم ورحمة الله وبركاته النهارده هتكلم عن موضوع مهم وهو ازاي تجمع كمبيوتر يعيش معاك بص مبدايا قبل منبدا الموضوع لازم تعرف انك لو عاوز تجيب كمبيوتر يشغل العاب السنادي اعرف ان السعر غالبا مش هيقل عن 4000 جنيه

ازاي تجمع الجهاز 1-لازم تحدد هدفك يعني انت عاوز تشغل العاب سنة كام وتحدد عاوز تشغلها علي ultra ولا meduim ولا high وكمان في هدف تاني يعني لو انت شغلك جرافيكس وتصميم 2-في موقع حلو جدا اسمو egprices ممكن تدخل عليه هتلاقي اسعار القطع بس في مصر 3-لازم تحدد ميزانيتك لان عن طريقها هيتحدد انت هتجيب اه ----------------------------------------------------------- قبل منبدا تاني نقطة لازم نعرف اه هي المكونات الاساسية اولا- الباور سبلاي ثانيا- الرام ثالثا- الهارديسك رابعا- المازربورد خامسا- المعالج (البروسيسور) سادسا- كرت الشاشة سابعا- الكيسة طبعا قبل ما اجيب الكمبيوتر لازم اعرف فايدة كل قطعه واهميتها وهل هتفدني في الالعاب طبعا قبل مبدا اهم الحجات اللي هتفيدك في تشغيل اللعبة (الرام-المعالج-كرت الشاشة) طبعا انا شرحت قبل كده البروسيسور وعرفتك اهميته للالعاب وعملت مقارنة بين intel و amd لسه باقي الحجات مشرحتهاش هبقي اشرحها بعدين ----------------------------------------------------------- طريقة اختيار القطع المناسبة 1-لو انت هدفك جيمينج جامد قوي اهتم بكارت الشاشة لانه اكتر حاجة تفرق معاك 2-لو انت مهتم بالشغل وكده و عاوز تخلص الحجات بسرعه اهتم بالبروسيسور 3-المازربورد حدد هنخترها علي حسب تالت حجات (هل المازربورد هتقدر تشيل كارت الشاشة)(هل سوكت المازربورد يتوافق مع سوكت المعالج)(هل ترددها يتوافق مع الرام) 4-الكيسة لان الكيسة هي اللي هتوفر التبريد للقطع اللي انت هتجبها علشان متتحرقش و حجم الكيسة مهمة برده علشان تحط فيها الحاجة 5-الهارديسك مهم جدا لانه و اللي هتخزن عليه ملفاتك والعابك وبرامجك وشغلك 6-الرام هتتحدد علي حسب سرعة الميجا هرتز طبعا البروسيسور بيتقاس بالجيجا الرام العكس طبعا الرام هيبقي ليها شرح مش هشرحو دلوقتي علشان الموضوع ميطولش 7-الباور سبلاي عاوزك تعرف ان الباور سبلاي ملوش اي علاقة بالتبريد علشان فيه ناس فاهمة غلط بص هشرحهالك كل المكونات في الكمبيوتر بتحتاج طاقة طب الطاقه دي هتتاخد منين من الباور سبلاي يعني الباور سبلاي هو اللي بياكل مكونات الكمبيوتر . ----------------------------------------------------------- وبكده يكون انتهي الموضوع اتمني اكون افدكم