نظام الحماية دينوفو بشئ من التفصيل

السلام عليكم , النهاردة هنتكلم عن نظام الحماية Denuvo وهشرحه بالتفاصيل, طبعا المرة الى فاتت كنا بنتكلم عن الحلول
بس الحلول مكانتش كافية طبعا, بص انا النهاردة هحكلكم قصة فرق التكريك وانظمة الحماية , بص الموضوع طويل جدا جدا وانا هقسمو ومش هشرحو مرة واحدة .

قصة Denuvo اولا زمان من التسعينات , والالعاب كانت بتتكرك بكل سهولة ومن غير مشاكل لحد مجينا على اسوأ سنة , سنة 2014 ظهر نظام حماية اسمه Denuvo , الفرق كلها عجزت عن ان هى تكركو لحد ما ظهر فريق 3dm وكسر Denuvo , والنظام اتكرك وبقينا نلعب وهيصنا , وبعد كده مسكتوش عملوا ابديت جديد واقفلوا الثغرات بتاعت النظام وبرده مفيش فايدة اتكرك لحد ما ظهر اخر تحديث على اواخر 2015 وطبعا لحد النهاردة مش عارفين يكركوا لدرجة ان3dm بدأت تعجز ولكن هى قالت نوعدكم بالكراك والموضوع عايز شوية وقت , حط تحت جملة الموضوع عايز شوية وقت مليون خط , ديه مهمة وهنرجعلها بعدين . الالعاب الى نزلت بنظام Denuvo FIFA 15 ( اتكركت ) Lords of the Fallen (اتكركت) Dragon Age Inquisition (اتكركت ) Batman Arkham Knight (اتكركت ) BattleField Hardline (اتكركت) Mad Max (اتكركت) Metal Gear Solid V The Phantom Pain (اتكركت) Fifa 16 (مكركتش) Star Wars BattleFront (متكركتش) Just Cause 3 (متكركتش) Rise of Tomb Raider (متكركتش) طبعا دلوقتى انتم ملاحظين كمية الالعاب الى كانت بنظام Denuvo واتكركت للعم الالعاب ديه كلها قعدت شوية وقت لحد ما اتكركت وطبعا الالعاب الى لسه متكركتش هى شوية وقت , عادى ممكن تاخد سنة او سنتين, مدة طويلة, عارف بس صدقنى برده مش هياخد كل ده هو كام شهر , كل الالعاب الى اتكركت كان شوية وقت لما كركوا Lords of the fallen قعدو 6 شهور لحد ما جبولها كراك , يبقى الموضوع وقت .

اسباب صعوبة اختراق النظام : 1- محدش هيصدقها , عشان الى عملو نظام دينوفو كانوا هكر سابقين , يعنى بيكركوا العاب من زمان وده معناته , ان هم عندهم خبرة كبيرة . 2-لان شركةDenuvo Software Solutions GmbH خايفة تقول هو النظام ده بيعمل ازاى علشان ميخترقوش . 3-لانه بيعمل عن طريق تشفير وفك تشفير الاستمرار والشركة زى ما قولت بتحاول تنفى الكلام ده . 4- طبعا موضوع اختراق حماية الالعاب حاجة بتسمى هندسة البرمجيات العكسية , وديه بتنقسم لنوعين , اول نوع النوع الاعتيادى الى بيتكتب بالاكواد والبشر بيعرفوا يقروها , النوع
التانى هو الاكواد المخصصة بالالة وديه المعروفة بالهندسة العكسية يعنى الكود كده بيكون كانو متشفر . وبكده يكون انتهي الموضوع انشاء الله لسه هيكون في تكمله .